Белгискиот интернационалец Ромелу Лукаку би сакал да се врати во Интер. Моментно е играч на Челси, но навивачите на Интер не можат да му простат што се обиде да направи трансфер во Јувентус во овој преоден рок.
Најверојатно од тоа нема ништо, па Лукаку се обидува да побара прошка и да се врати во Милано. Се разбира, и тоа ќе биде сложен процес со оглед дека тој има актуелен договор и Челси инсистира да го продаде.
Лондонскиот клуб не преферира нова позајмица. Бара купец кој ова лето би склучил перманентен договор со Лукаку, а Интер беше еден од најзаинтересираните, заедно со клубови од Саудиска Арабија.