Ромелу Лукаку веќе два дена тренира со тимот на Андерлехт во обид да се дистанцира од Манчестер јунајтед и да ги примора челниците на клубот да го продадат.
Според „Дејли мејл“, во Јунајтед биле изненадени кога Лукаку се појавил на тренинг кај својот поранешен клуб со У-18 составот, иако цело лето не е на тренинзи со тимот на Оле Гунар Солскјер. Јунајтед официјално објаснија дека Лукаку добил слободен ден и дека денеска ќе се појави на тренинзи во Карингтон, но наместо тоа, тој повторно беше во комплексот Нерпеде на Андерлехт на работа со тренерот на младите на белгискиот клуб, Мо Ухаби.
Според „Дејли мејл“ ова е обид на Лукаку да примора трансфер, откако Јунајтед ја одбија понудата од 60 милиони евра од Интер, а потоа исто така пропадна можноста за замена со Пауло Дибала во Јувентус. Неговото заминување од „Олд Трафорд“ е извесно, иако на „Олд Трафорд“ не би имале проблем тој да остане и покрај тоа што не настапи на ниту еден од шесте подготвителни меча на „ѓаволите“.
Story in @hlnsport today. Romelu Lukaku sent a text to the coach of Anderlecht’s U18 if he could train with them on Monday. The U18s had the time of their life – he coached / encouraged them. At the end of the session he took a striker to the side for finishing exercices. #mufc pic.twitter.com/ku55xDI1L5
— Kristof Terreur ?? (@HLNinEngeland) August 6, 2019