Англискиот премиерлигаш Вест Хем доставил понуда до Манчестер Јунајтед да го доведе Хари Мегваер на позајмица, но таа е одбиена, пренесуваат медиумите на Островот. Нема информации дали во понудата имало клаузула за евентуален откуп по крајот на сезоната.
Познат е интересот на лондончани за поранешниот прв капитен на „црвените ѓаволи“, но се чини дека Дејвид Мојс не сака да инвестира веднаш во купување на играчот.
Ова е втор неуспех на Вест Хем на пазарот за само еден ден, откако беше откриено дека Фулам исто така ја одбил нивната понуда од 45 милиони фунти за Жоао Палиња.