Манчестер сити го победи Челси на „Стенфорд Бриџ“, со 1:0, во дербито на шестото коло, во Премиер лигата. Сити со оваа победа ја прекина серијата од три порази против Челси.
Тренерот на Челси, Томас Тухел, им ја препушти топката на противниците, реши неговите играчи шансата да ја бараат преку контра-нападите. Таквата определба го однесе Челси до првиот пораз во сезоната.
Првото полувреме, Сити, го поминаа на половината на противникот, но без конкретна закана по голот на Менди.
Вториот дел започна со ударот на Грилиш во 49.минута, а четири мунити подоцна Жесус, со помош на Жоргињо го постигна единствениот гол на натпреварот.
Во 61.минута, Тијаго Силва, од гол линијата спречи Сити да ја зголеми предноста. Во 83.минута, Менди, во ситуација еден на еден го спречи Грилиш да постигне гол.
Сити со оваа победа се израмни со Челси на табелата, двата тима имаат по 13 поени.
