Манчестер сити се пласираше во осминафиналето на ЕФЛ Лига купот, откако на гостувањето кај Престон со три гола во првото полувреме стигна до 3:0 триумф.
Рахим Стерлинг во 19. минута, Габриел Жесус во 35. минута и несреќниот Рајан Ледсон со автогол во 42. минута донесоа водство по кое Пеп Гвардиола можеше мирно да го проследи финишот на мечот.
Проблеми немаа ниту Лестер, кои со 4:0 го победија Лутон, Саутемптон, кои со идентични 4:0 славеа кај Портсмаут, како и Евертон, кои со 2:0 го победија Шефилд венсдеј.
Тотенхем пак, по регуларните 90 минути имаше само 0:0 на гостувањето кај Колчестер по што следуваше изведување на пенали.
ЕФЛ КУП, 1/16 ФИНАЛЕ
Колчестер – Тотенхем 0:0
Краули – Стоук 1:1
Лутон – Лестер 0:4
Портсмаут – Саутемптон 0:4
Престон – Манчестер сити 0:3
Шефилд венсдеј – Евертон 0:2
Ватфорд – Свонси 2:1