Според очекувањата Манчестер сити изборија пласман во четврт-финалето на ФА купот. „Граѓаните“ како гости славеа над Њупорт Каунти со 4:1. Покрај Манчестер сити пласман меѓу најдобрите осум во ФА купот обезбедија Брајтон, Вотфорд и Милвол.
Сити, со малку изменет состав, во второто полувреме го скршија отпорот на членот на англиската четврта лига.
Лирој Сане го постигна првиот гол во 51 минута, а на 2:0 зголеми Фил Фоден во 75 минута. Габриел Жесус асистираше за двата гола. Падрејг Амонд во 88 минута го намали резултатот, но веќе во наредната акција Фоден го постигна третиот гол за Сити. Точка на мечот стави Ријад Марез во 94 минута.