Килијан Мбапе, во изјава за „Канал+“, по натпреварот со Монако, рекол дека и наредната сезона ќе игра во ПСЖ.
Напаѓачот, кој синоќа постигна хет-трик, против својот поранешен клуб, рекол дека ќе остане во Париз, а во Мадрид може да оди само како некој што има голема почит кон Реал.
„Ќе останам во ПСЖ, му се приклучив на овој проект. Среќен сум што Зизу се врати во Реал, но таму можам да одам само како навивач“, рекол Мбапе.
Пред еден месец, неколку европски медиуми, објавија дека Реал биле подготвени да издвојат 280 милиони евра за младиот напаѓач.
Инаку, Зидан покажа интерес за Мбапе уште во 2017 година, кога напаѓачот блесна во Монако. На крајот тој заврши во ПСЖ за 170 милиони евра, а има договор до 2022 година.