Килијан Мбапе тврди дека не постојат никакви несогласувања помеѓу него и Нејмар, велејќи дека двајцата се задоволни да го делат местото на први ѕвезди на Пари Сен-Жермен.
Двајцата речиси во исто време пристигнаа на „Паркот на принцовите“ во 2017 година, Нејмар со светски рекорд од Барселона, додека Мбапе од Монако, откако во малото кнежевство ја освои титулата. Покрај Единсон Кавани, тие се фантастични во нападот и имаат над 200 постигнати голови.
Но, француските медиуми постојано тврдеа дека меѓу двајцата има големи несогласувања и дека воопшто не зборуваат меѓу себе. Мбапе вели дека тоа не е вистина.
„Кога јас пристигнав во Париз, немаше никаква дебата, Нејмар беше суперѕвездата. Тој се повреди и пропушти шанса да биде во најдобра форма за Светското првенство, и потоа почнаа приказните за наводното ривалство, за тоа дека јас му го земам местото. Уште на првиот тренинг со ПСЖ му кажав: ’Не се грижи, јас не се борам за ’Балон д’ор’, ниту го преземам твоето место, тука сум да помогнам’“, објаснува Мбапе во интервју за „Франс фудбал“.
На само 21 година, Мбапе има остварено повеќе од Лео Меси, Кристијано Роналдо и Нејмар и има трофеј од Светското првенство. Во 2020, Франција ќе може да додаде и олимписко злато на светската титула и Мбапе е достапен како У-23 фудбалер, иако тој не верув дека ќе биде таму – Евро 2020 завршува само две недели пред Олимпијадата.
„Не можам да го контролирам тоа. Би сакал да одам на Олимпијадата, но клубот, кој ме вработува, може да реши да не ме пушти и нема да се расправам“, вели Мбапе.