Ѕвездата на Барселона, Лионел Меси доби слободен ден од тренерот Ернесто Валверде, кој го искористи за кратка посета на Италија, кај човекот од доверба, неговиот нутриционист Џулијано Посер.
Посер е еден од луѓето кои ја уживаат целосната доверба на Аргентинецот, и му дава специфични диети за да го извлече максимумот на теренот. Меси пред две сезони успеа да ги надмине проблемите со стомачните мускули и со постојаното повраќање токму преку рутината на Посер. Методот на Италијанецот е доста компликуван – тој проценува како да се извлече максимална енергија од секој мускул на фудбалерите, и одредува која храна не смее да се користи.
По соработката на Меси со Посер, неколку други аргентински фудбалери побараа соработка со Посер.
