Лионел Меси блескаше, а Барселона ја победи Селта 4:1 во 13 коло во Ла Лига. Со натпревар помалку Барселона со 25 бода го дели првото место на табелата со Реал.
Дуелот на „Ноу Камп“ мина во знакот на брилијантниот Аргентинец, кој постигна хет-трик. Меси прво погоди од пенал, а откако Олаза израмни од слободен удар, тој одговори со нови два гола.
Меси вториот и третиот гол ги постигна од слободен удар речиси од исто место. Прво погоди во 46, а потоа во 48 минута.
Меси стигна до бројката од девет гола во сезоната и се наоѓа на второто место заедно со Морено од Вилјареал. Лидер на листата е Бензема.
Конечните 4:1 ги постави Бускетс со својот прв гол во сезоната.