Фудбалерите на Милан во недела ќе ја пречекаат Аталанта, со победа ќе направат џиновски чекор кон шампионската титула. Поради тоа за овој меч, последен на домашен терен во оваа сезона, владее огромен интерес.
.
„Сан Сиро“, кој има капацитет од 80.018 седишта е распродаден. Од клубот информирале дека добиле над 200.000 барања за купување билети.
Росонерите во моментов се лидери во Серија А со два бода предност во однос на второпласираниот Интер, кој е и негов најголем ривал. За шампионската титула треба да освојат четири бода во последните две кола.
Во последното коло избраниците на Стефано Пиоли ќе играат против Сасуоло.
Милан ја освои својата последна титула во Серија А во сезоната 2010/11 и навивачите со нетрпение чекаат да го повторат успехот.