Италијанскиот калчолигаш Милан е заинтересиран за централниот дефанзивец на Барселона, Клемен Ленгле, тврди „Газета дело спорт“.
Според изданието, „росонерите“ сакаат да ја засилат одбраната и веќе размислуваат да дадат понуда за играчот кој одговара на профилот што го бараат.
Францускиот дефанзивец Ленгле има 28 години и има сериозно искуство во три силни лиги, Лига 1, Ла Лига и Премиерлигата.
Се очекува Милан да понуди околу 10 милиони евра за Ленгле, сума што треба да ја убеди Барселона на која не и треба дефанзивецот и сака да го продаде.
Минатата сезона францускиот дефанзивец играше како позајмен во Тотенхем, каде забележа 35 натпревари и постигна еден гол.