Фудбалерот на Кристал Палас, Лука Миливојевиќ летово ќе ја напушти Англија и ќе се врати во редовите на грчкиот шампион Олимпијакос.
Поранешниот српски репрезентативец договори тригодишна соработка со црвено-белите од Пиреја. Тоа значи дека 31-годишниот играч за врска ќе се врати во клубот од кој замина во Англија во 2017 година.
Во меѓувреме стана капитен на Кристал Палас.
Оваа информација ја донесе Георгиос Сидеридис, кој откри дека од трансферот клубот од Лондон ќе добие 3.500.000 евра. Миливојевиќ пред Олимпијакос го носеше дресот на Раднички од Крагуевац, Рад, Црвена Звезда и Андерлехт, а беше и репрезентативец на Србија од 2012 до 2020 година и беше во тимот на Светското првенство во Русија 2018 година.