Младата фудбалска репрезентација на Англија го освои трофејот на Европското првенство за фудбалери до 21 година. Англичаните во финалето во Батуми ја совладаа Шпанија со 1:0. Стрелец на голот беше Џонс во 45.минута, но всушност него топката го погоди и отседна во противничката мрежа откако Палмер изведе слободен удар.
🏴 Cole Palmer puts England ahead vs Spain in the #U21EURO Final
HT England U21 1-0 Spain U21 #ManCity #England #Spain pic.twitter.com/bvivNYQT2o
— 𝐆𝐚𝐛𝐫𝐢𝐞𝐥 (@Doozy_45) July 8, 2023
Англија беше доминантна во текот на целиот турнир и посебно импресионираше со играта во одбрана, со оглед дека не прими ниту еден гол.
Шпанија преку Руиз во 51.минута постигна гол, но по прегледување на ВАР снимката не признат поради офсајд позиција.
Во 99.минута, Абел Руиз не реализираше и пенал за израмнување.