Лука Модриќ на крајот на оваа сезона ќе мора да го напушти Реал Мадрид, а дресот со број 10 кој го носи хрватскиот играч за врска ќе го наследи Килијан Мбапе. Тоа го пишува Мундо Депортиво во текст во кој истовремено го потврдува заминувањето на Модриќ од клубот и доаѓањето на францускиот напаѓач во Мадрид.
Мбапе им потврди на челниците на Пари Сен Жермен дека ќе го напушти клубот, но јавно не соопшти каде ќе ја продолжи кариерата. Шпанските медиуми се сигурни дека негова следна станица ќе биде Реал Мадрид, иако францускиот напаѓач се уште нема потпишано ништо.
И покрај ова веќе се зборува за бројот на неговиот иден дрес.
„Тоа ќе биде дресот со број 10, кој моментално му припаѓа на Модриќ. Бројот ќе ќе биде слободен по завршувањето на сезоната бидејќи договорот на Модриќ истекува на 30 јуни, а продолжувањето на договорот не е дел од плановите на клубот“, пишува Мундо Депортиво.
Мбапе во ПСЖ ија носи седумката. Тој број во Реал го носи Винисиус Жуниор го носи и нема намера да се откаже од него. Мбапе десетката ја носи во француската репрезентација.