Хрватска не успеа вторпат по ред да се пласира во финалето на Светското првенство. Со Мароко ќе игра за третото место на Мундијалот, а за Лука Модриќ тоа најверојатно ќе биде последен натпревар за „коцкестите“ во кариерата.
Интересни вести доаѓаат од Апенините. Модриќ од следното лето би можел да игра во Серија А. На Хрватот му истекува договорот со Реал Мадрид, а кариерата би можел да ја продолжи во Рома.
На овој трансфер инсистира тренерот Жозе Мурињо кој знае дека Хрватот би можел уште две години да игра на врвно ниво без проблем.
Модриќ има 37 години, а за Реал Мадрид игра од 2012 година, кога за 35 милиони евра пристигна од Тотенхем.