Вестите за заминувањето на Лионел Меси од Барселона уште изгледаат нереални за фановите на каталонскиот клуб, а очигледно и за фудбалерите на клубот, откако Жерард Пике имаше емотивна објава на социјалните мрежи.
Тој драматично најави дека веќе нема да биде ништо исто, ниту во клубот, ниту во градот Барселона.
„По повеќе од 20 години нема да го носиш дресот на Барселона. Реалноста понекогаш е многу тешка. Веќе нема ништо да е исто, ниту ‘Камп Ноу’, ниту градот Барселона, ниту ние. Се запознавме во 2000 кога имавме 13 години и кариера пред нас. Од Росарио до висините во Рим. Таму почна легендата, а останатото е историја. Заминуваш, но знам дека еден ден ќе се вратиш бидејќи имаме незавршена работа. Ќе ни недостасуваш. Те сакаме Лео“, пишува Пике.