Португалскиот интернационалец Нани кариерата ќе ја продолжи во австралискиот клуб Мелбурн Виктори со кој потпиша двегодишен договор. Нани во Мелбурн пристигна од Венеција, откако спогодено го раскина договорот.
Поранешниот играч на Манчестер Јунајтед за овој италијански клуб одигра десет натпревари откако го напушти Орландо во ноември минатата година.
Португалец играше осум сезони за Манчестер Јунајтед, освои титули во Премиерлигата и во Лигата на шампионите, а беше дел и од репрезентацијата која го освои Европското првенство во 2016 година.
Нани во кариерата настапуваше и за Спортинг Лисабон, Фенербахче, Валенсија и за Лацио.