Наполи со 2:1 ја совлада Бреша во меч од шестото коло од Серија А, иако во финишот на второто полувреме имаа проблеми со гостите по деби-голот на Марио Балотели за својот тим.
Дрис Мертенс во 13. минута и Костас Манолас во судиското продолжение од првото полувреме донесоа 2:0 предност на „партенопеи“ кои се обидуваа да се вратат по незгодниот домашен пораз (0:1) од Каљари во средата.
Сепак, во 67. минута од мечот, Балотели беше оставен сам од домашната одбрана и тој намали на 2:1, предизвикувајќи тесен и интересен финиш на мечот. Интересно, пред мечот, Балотели, на терен ја извади својата мала ќеркичка Пиа, која живее со својата мајка во Неапол во дрес на Наполи.
Before today’s game against Napoli, Brescia’s @FinallyMario walked out with his daughter Pia, who lives in Naples, wearing a Napoli shirt ? pic.twitter.com/rVCGoV3jQB
— B/R Football (@brfootball) September 29, 2019
Наполи се искачи на четвртото место во Серија А со 12 поени, шест помалку од лидерот Интер. Бреша се на 14. место со 6 победи.