Реал Мадрид и Атлетико вечерва ќе се сретнат во четвртфиналето на Купот на кралот на „Сантијаго Бернабеу“. Пред градското дерби на улиците на Мадрид се појави грозоморна и брутална порака што ја оставија навивачите на Атлетико.
На еден од мадридските мостови обесија кукла со ликот на бразилскиот фудбалер Винисиус Жуниор и над неа истакнаа транспарент.
„Мадрид го мрази Реал“.
Винисиус Жуниор е честа мета на противничките навивачи. Од почетокот на сезоната го навредуваа поради бојата на кожата, го гаѓаа со банани, за што клубовите добија одредени казни.
Овој потег на навивачите на Атлетико нема да му донесе казна на клубот. Причината секако е што не направија ништо на стадионот и ќе биде интересно да се види дали овие грозоморни сцени ќе се пренесат на трибините.
Поради се, треба да очекуваме многу жешко мадридско дерби. Реал во мечот влегува како фаворит, но Атлетико неодамна се разбуди и извојува две последователни победи.
Впрочем, Винисиус Јуниор сигурно ќе биде во центарот на вниманието на вечерашниот меч и прашање е како младиот Бразилец ќе реагира на потенцијалните навреди од трибините.
Дербито помеѓу Реал и Атлетико се игра вечерва од 21 часот на стадионот „Сантијаго Бернабеу“.