Top Sport

Назаров ги прекрши правилата и го гушна возачот кој им го спаси животот

Иако на фудбалерите во германските две лиги им се советува да не ги прославуваат головите со гушкање за време на мечевите, азербејџанскиот фудбалер на второлигашот Ерцгебирге Ауе вели дека морал да го прекрши правилото за да го гушне човекот кој му го спасил животот, возачот на тимскиот автобус, Тоамс Ромејке.

Назаров постигна гол со глава за 1:1 реми на Ауе со Нирнберг, по што веднаш истрча кон аут линијата ги пронајде возачот Ромејке и подоцна откри дека возачот ги спасил со брза реакција откако автобусот бил погоден од делови од автомобил од сообраќајна несреќа пред нив.

„Тој ни ги спаси животите, толку е едноставно. Да не реагираше така, кој знае каде ќе завршевме“, изјави Назаров, кој посочи дека се надева дека нема да биде казнет и дека германската лига ќе има разбирање за околностите.

Автобусот во сообраќајната несреќа бил оштетен, а двајца возачи во автомобилот добиле сериозни повреди. Тимот го продолжил патот до натпреварот во други возила. Ауе се на шестото место во втората лига, додека Нирнберг се само 15.

Scroll to Top