Бразилската мега-ѕвезда Нејмар ќе има повеќе настапи во шпанската хит-серија „La casa de papel“ отколку во својот клуб Пари Сен-Жермен! Бразилецот, за кого се верува дека е пред заминување од францускиот шампион ќе биде дел од две епизоди на шпанската серија на „Нетфликс“ околу една криминална банда.
Тој ќе биде гостин во шестата и осмата епизода од новата, четврта сезона, и се пофали на Твитер облечен во препознатливата црвена опрема и маската на Салвадор Мали.
„Успеав да го остварам мојот сон и да бидам дел од мојата омилена серија. Сега можам да го споделам Жоао со вас“, напиша 27-годишниот Нејмар на Твитер.
Серијата претходно ги исфрли снимките со фудбалерот откако тој беше обвинет за силување во својот роден Бразил, но сега тие снимки се вратени.
Eu pude realizar meu sonho e fazer parte da minha série favorita. E agora eu posso compartilhar o João com todos vocês !
Gracias @lacasadepapel !#LCDP3 #nuevofichaje #lacasadepapel pic.twitter.com/fxwWieoP0N— Neymar Jr (@neymarjr) August 27, 2019