Нејмар решил да го напушти ПСЖ штом почне преодниот рок на лето, објави шпански „АС“, кој тврди дека одлуката на Бразилецот е конечна и дека веќе се активирани неколку клубови кои би сакале да го видат во своите редови.
Барселона, Манчестер Сити и Њукасл се трите клуба кои се подготвени да преговараат со Пари Сен Жермен за трансферот на Нејмар. Англискиот премиерлиаш со супербогати сопственици, Њукасл, најсериозно „загризал“ да го реализира овој спектакуларена трансфер.
Њукасл е подготвен да плати повеќе од Барселона и од Манчестер Сити и ќе му даде огромна плата на Нејмар за да стане главен човек на неговиот проект.
Бразилецот беше исвиркан од фановите на „Паркот на принцовите“ на последниот натпревар против Бордо, дури и кога постигна гол. Нејмар е гневен на навивачите на францускиот клуб, смета дека воопшто немаат респект кон него и затоа сака да го напушти Париз. Огромни свирежи против Бордо доби и Лионел Меси.