Цела среќа, Реал Мадрид веќе го имаше обезбедено првото место во групата Г од Лигата на шампионите, но тимот кој ги освојуваше трите последни титули во европската елита, ретко кога бил така избламиран на „Сантијаго Бернабеу“ во евро-меч како во средата навечер.
ЦСКА Москва, тимот кој успеа да ги победи со 1:0 на гостувањето во Русија, направи вистинско чудо и ги совлада „кралевите“ со 0:3 на нивни терен, зголемувајќи го притисокот на тренерот Сантијаго Солари, кој неодамна го смени Хулен Лопетеги на кормилото на тимот.
Ова е најтежок домашен пораз во историјата на Лигата на шампионите за „кралскиот клуб“, бидејќи претходно овој рекорд го имаше Баерн Минхен, кој го совлада со 4:2 во 2000 година. Поразот исто така е прв во групните фази на домашен терен од 2009 година – и уште една неверојатна статистика, досега во 252 меча во европските натпреварувања на „Сантијаго Бернабеу“, Реал никогаш не загубил со повеќе од два гола разлика!
Real Madrid have played 252 home matches in European competition, and have never lost by more than a two-goal margin. #RMUCL #RealMadridCSKA @pfc_cska #FromRussiaWithLove
— Gracenote Live (@GracenoteLive) December 12, 2018
Фјодор Чалов во 20-тата минута, Георгиј Шчеников во 43. минута и Арнор Сигурдсон во 73. минута го совладаа беспомошниот Тибо Куртоа, кој сигурно ќе ја памети оваа бламажа.
За ЦСКА победата не носи ниту пласман во Лига Европа, откако и Викторија Плзен со 2:1 го совлада тимот на Рома во уште еден меч без голема вредност.
Фото: ЕПА
ГРУПА Г
Викторија Плзен – Рома 2:1
Реал Мадрид – ЦСКА Москва 0:3
Табела: 1.Реал Мадрид 12, 2.Рома 9, 3.Плзен 7, 4.ЦСКА Москва 7