РБ Лајпциг пропушти да се се искачи на второто место во Бундеслигата и покрај тоа што голманот на Херта Берлин, Руне Јарстеин им даде неверојатен подарок, одигрувајќи 2:2 на домашен терен за второ реми во низа.
Марко Грујиќ им донесе неочекувано брзо водство на Херта уште во деветтата минута по еден корнер на гостите, но Ред бул се врати во игра преку Лукас Клостерман во 24. минута за на полувреме да се отиде со 1:1.
Шансите на тимот на Јулијан Нагелсман да освои три поени се намалија откако Марсел Халштенберг доби втор жолт картон во 63. минута од мечот. Сепак, само пет минути подоцна, Патрик Шик се најде во убава ситуација да шутира по асистенцијата на Тимо Вернер, но неговиот удар заврши директно во норвешкиот голман Јарстеин, кој направи несфатлива грешка и ја пушти топката да влезе во голот.
Juzguen ustedes. Con uno más jugando el Hertha y Jarstein hace esto:
— Zona Tipster (@zonatipster) May 27, 2020
Меѓутоа, домаќините не успеаја да го заддржат водството откако во 82. минута беше досуден пенал за гостите, а Кшиштоф Пјонтек беше прецизен од белата точка.
Сега, РБ Лајпциг има 55 поени на третото место на табелата, два помалку од Борусија Дортмунд и дури девет зад лидерите Баерн Минхен, додека Херта се на 10. место со 35 поени.