Челси треба да ја зголемат финансиската понуда, во спротивно ќе останат без Антонио Ридигер. Британските медиуми тврдат дека и последната рунда од преговорите околу новиот договор завршила неуспешно.
Договорот на Ридигер со Челси истекува во јуни 2022 година. Желбата на Челси е фудбалерот да остане на „Стенфорд Бриџ“, но доколку клубот не му ги исполни барањата, тој ќе го напушти Лондон.
Челси му понудиле годишна плата од 8,34 милиони евра, Ридигер побарал плата на годишно ниво од 12 милиони евра.
Според медиумите, откако ја слушнал понудата, Ридигер се чувствувал како некој да му удрил шлаканица.
Сепак Германскиот репрезентативец се надева дека ќе постигне договор со клубот и дека тој ќе остане во Челси. Сериозен интерес за Ридигер покажуваат Баерн Минхен и Реал Мадрид.