Претседателот на Фудбалска федерација на Франција (ФФФ), Ноел Ле Грае е вмешан во нов скандал. По циркузот што го направи со изјавата против Зинедин Зидан, една жена го обвини за сексуално вознемирување.
Во интервјуто дадено за „L’Equipe“ и „BFMTV“ во понеделникот, Соња Суид, фудбалска менаџерка, го обвини шефот на францускиот фудбал за неколку несоодветни коментари во периодот меѓу 2013 и 2017 година.
Суид раскажуваше за многубројните покани за вечера, како и за многубројните ноќни повици.
Таа објаснува дека првпат го контактирала за нејзината работа во женскиот фудбал во 2013 година. Еден состанок бил закажан во станот на Ле Грае, на кој требало да присуствува и Бриџит Хенрик, тогашната шефица на францускиот женски фудбал. Наместо тоа, кога пристигнала, Соња ја пречекал Ле Грае со две полни чаши со шампањ.
Суид рекла и дека не ја земала чашата во рака и дека на претседателот му укажала дека мора да оди со својот вереник, по што Ле Грае ја пуштила да си оди, но потоа продолжил да ја кани на вечера сè почесто. . Во тоа време, Соња Суид имала 28, а Ле Гра 72.
Менаџерката потоа опишува како Ле Гра редовно испраќала пораки помеѓу 2014 и 2017 година и дека таа не ги прифаќала неговите повици.
„Еднаш ми напиша дека морам да разберам дека треба да влезам во неговиот кревет ако сакам да се остварат моите идеи. Тоа беше шок за мене“, изјави Суид.
Фудбалската менаџерка не успеа да ги задржи солзите во текот на интервјуто.
💬 "Mon président me voit comme deux seins et un cul"
L'agente de sportifs Sonia Souid dénonce sur BFMTV des comportements déplacés de Noël Le Graët ⤵ pic.twitter.com/gj3QZRFRd8
— BFMTV (@BFMTV) January 9, 2023
„Добив огромна шлаканица, бидејќи го имав претседателот на федерацијата кој и покрај сите мои квалитети во мене виде само две цицки и еден задник! Бев разочарана од него. Требаше да биде пример, но не беше“.
Тврдењата на Ле Грае дека не знаел да праќа СМС пораки ја поттикнаа Соња да проговори во медиумите.
„Тој не се плаши од ништо и од никого. Мисли дека е недопирлив, а веројатно тоа е вистина“, рече Свид.
Ова не е прво вакво обвинување против Ле Грае, бидејќи во септември минатата година и неговите вработени се пожалија на неговото однесување. Според нив, фудбалскиот функционер им испратил непристојни пораки, а тој самиот ги отфрлил овие обвинувања.
Меѓу другото, Ле Гра во последните денови беше вмешан во скандал со невкусните коментари упатени кон легендата на Франција, Зинедин Зидан. Имаше силна реакција на неговите коментари и претседателот на францускиот фудбал беше принуден да се извини.