По сите критики и крајно неубедливото реми на гости кај Кадиз, Барселона на Роналд Куман се созеде и со одлично прво полувреме забележи 3:0 победа над Леванте во седмото коло на шпанската Ла лига.
Поените беа обезбедени во првите петнаесет минути од мечот. Прво Мемфис Депај беше прецизен од белата точка уште во шестата минута од мечот, пред Лук де Јонг, толку критикуваното засилување на Каталонците да го постигне својот прв гол за Блауграна во 14. минута. Во првото полувреме, Барселона имаше уште неколку шанси за гол, додека Леванте, за кои не играше повредениот Енис Барди, имаше навистина слаб меч. Точка на мечот стави Ансу Фати, новата „десетка“ на каталонскиот клуб, за кого ова е прв меч по долгата пауза поради повреда
Ова е трета победа за Барса во новата сезона, со кои се на 5. место со 12 поени, пет зад лидерот Реал Мадрид, иако Каталонците имаат натпревар помалку. Победата доаѓа во совршено време за Куман, кој според шпанските медиуми има уште неколку меча да ја крене формата или го очекува отказ. Леванте, пак, во седум кола нема победа оваа сезона – четири ремија и три порази.
ЛА ЛИГА, 7.КОЛО
Барселона – Леванте 3:0
Мајорка – Осасуна 2:3
Ansu fati back ?pic.twitter.com/HFdu7sjjvB
— dan (@avfcdann) September 26, 2021