Фудбалските репрезентации на Обединетите Арапски Емирати и на Австралија ќе се судрат во бараж за последното директно место од Азија кое води на Мундијалот во Катар, откако ОАЕ стигнаа до сензационална 1:0 победа над Јужна Кореја.
ОАЕ имаа само поен предност пред Ирак на третото место во групата А пред последното коло, во кое Ирак гостуваше кај Сирија, а ОАЕ ги пречекуваше фаворизираните Корејци. Голот на тинејџерот Хариб Абдала Сухаил во второто полувреме беше доволен за победа, додека Ирачаните одиграаа само 1:1 со Сирија.
Иран, Јужна Кореја, Јапонија и Саудиска Арабија веќе обезбедија директен пласман во Катар.