Горан Пандев постигна гол, а Џенова со 2:0 го победи Јувентус, нанесувајќи му го на италијанскиот шампион првиот пораз во Серија А оваа сезона.
На „Луиџи Ферарис“, Масимилијано Алегри пристигна без Кристијано Роналдо, давајќи му шанса на Португалецот да се одмори по хет-трикот против Атлетико Мадрид во ЛШ, предизвикувајќи дел од навивачите да побараат да ги вратат билетите од мечот.
Меѓутоа, навивачите на Грифоне кои беа на стадионот не зажалија. Тренерот на Џенова, Чезаре Прандели во 60-тата минута реши да му даде шанса на Пандев и не зажали. Македонскиот капитен прво во 72. минута му асистираше на Стефано Стураро за 1:0, а потоа во 81. минута, Пандев со убав гол од контра-напад ги постави конечните 2:0.
Genoa makes it 2 nil after a beauty from the veteran Goran Pandev!!! What a substitute change from coach Cesare Prandelli!!! Juventus down 2. #tlnsoccer #GenoaJuve #SerieA pic.twitter.com/i6MYCylnus
— TLNTV (@TLNTV) March 17, 2019
Ова е прв пораз на Јуве во Серија А оваа сезона, но „бјанконерите“ остануваат убедливи лидери со 75 поени пред Наполи со 57 (и натпревар помалку). Џенова полека излегува од опасната зона на табелата и сега е 12. со 33 поени.