Најдобриот македонски фудбалер Горан Пандев одигра околу половина час за тимот на Парма во ремито без голови против лидерот на табелата во Серија Б, Лече. Пандев доби шанса во 57.минута на местото на Тутино, но не успеа да помогне за евентуален триумф на „млекарите“.
По ова реми, Парма се наоѓа на 13. место со 39 бода, девет помалку од осмопласираниот Фросиноне кој е на позиција која води во доигрување за пласман во Серија А. До крајот на шампионатот има уште седум кола.
Лече по нерешениот резултат ја загуби лидерската позиција која сега и припаѓа на Монца.