Бразилскиот ас Александре Пато си замина од кинескиот тим Тијанџин Тијанхаи, потврди поранешниот напаѓач на Милан на социјалните мрежи. Пато, кој дојде во Кина од Вилјареал пред три години, сега најверојатно се враќа во татковината.
„Би сакал да ве информирам дека мојата авантура во Кина заврши. Овие две години беа полни со одлични моменти и искуства и Кина ми помогна да пораснам како човек и научив многу за оваа голема култура и земја. Би сакал да се заблагодарам на мојот клуб, моите сиграчи и сите во клубот, како на и луѓето на Кина кои ги сретнав овие две години“, вели 29-годишниот Пато.
Пато дојде во Тијанџин Кванџијан кога тимот влезе во кинеската Суперлига на крајот на 2016, и со 15 гола во првата сезона беше клучен човек во топ 3 пласманот во првата сезона. Со ова Тијанџин првпат во историјата играше во Азиската Лига на шампиони, каде што стигнаа до четврт-финалето и загубија од подоцнежните шампиони Кашима Антлерс.
Втората сезона не помина најдобро, откако тимот ја заврши на осмото место, а сопственикот на клубот Шу Јухуи беше уапсен поради корупција и го предаде клубот на фудбалската федерација на провинцијата Тијанџин, која го преименува клубот во Тијанџин Тијанхаи и го ограничи буџетот на клубот.