Американецот Хорхе Масвидал во саботата навечер го шокираше англискиот фаворит Дарен Тил во главниот меч на УФЦ Лондон во „О2 Арената“, а тепачката продолжи и по мечот, во уште една контроверзна завршница на УФЦ меч.
Масвидал со силен удар со левицата го прати Тил на подот по 3:05 во втората рунда, замолчувајќи ја дотогаш супер-гласната домашна публика. Тил, кој сега има два порази едноподруго во велтер категорија, неколку минути остана да лежи на подот, добивајќи медицинска помош. Тил беше фаворит кај букмејкерите и тоа го покажа во првата рунда, кога неколку пати опасно го „закачи“ противникот.
JORGE. MASVIDAL. #UFCLondon
? via @imrrpg pic.twitter.com/aZPz1fC9uG
— FloCombat (@FloCombat) March 16, 2019
Сепак, УФЦ не би била УФЦ доколку на крајот немаше некоја контроверза. Масвидал по блескавата победа даваше интервју, а кога од страна дојде Англичанецот Леон Едвардс, кој го победи Гунар Нелсон во претходен меч и го предизвика на дуел, Американецот реши да отиде до кај него и да ја продолжи тепачката.Сè за малку промоција, нели?
OMG pic.twitter.com/yVDoMG0czq
— Jed I. Goodman (@jedigoodman) March 16, 2019