Менаџерот на Манчестер сити, Пеп Гвардиола не ја криеше својата лутина и фрустрација по 1:0 поразот од Ливерпул, сметајќи дека голот на Фил Фоден во второто полувреме бил неправедно поништен на „Енфилд“, посочувајќи дека судијата Ентони Тејлор подлегнал на атмосферата на „Енфилд“.
Фоден постигна гол по асистенција на Ерлинг Халанд, но ВАР снимките покажаа дека Норвежанецот го фаулирал Фабињо пред акцијата за гол.
„Ова е ‘Енфилд’. Судијата зборуваше со моите помошници и кажа дека нема да суди фаули доколку не се 100 отсто јасни и во текот на целиот натпревар се беше дозволено. Освен голот, кој откако го постигнавме, не беше во ред. Кога ќе пристигнам тука, вели ‘Ова е Енфилд’. Многу години доаѓаме тука. Загубивме бидејќи направивме грешка против силен тим. Но, сите работи денеска беа фер и дозволени освен нашиот гол. Тоа е реалноста“, вели Гвариола.
Од Манчестер сити исто така посочија дека Гвардиола бил гаѓан со парички по поништениот гол на Фоден, и Клоп вели дека треба да работат на својата прецизност.
„Следниот пат ќе се подобри. Не ме погодија. Се обидоа, но не ме фатија. Овојпат не“, вели Гвардиола.
Pep “The referee decided before the game, went to Klopp and my assistant coach and said here ‘it’s play on, play on, I’m not going to whistle any fouls, but after we scored a goal they disallowed it’. This is Anfield” pic.twitter.com/fvZ292DJRM
— The Pep (@GuardiolaTweets) October 16, 2022