Фудбалерите на Брентфорд се нови премиерлигаши. Популарните „пчели“ денеска на „Вембли“ со 2-0 славеа во бараж дуелот со Свонси и по цели 74 години обезбедија пласман во елитата.
И минатата сезона беа близу до ваков потфат, но тогаш во финалето загубија од Фулам.
Тимот од Престон дилемите околу победникот ги реши во 10 и во 20 минута.
Најпрво беше досуден пенал поради прекршокот на голманот Вудман на Рис. Шансата во гол ја претвори Иван Таун.
Само 10 минути подоцна преку контранапад со голот на Емилијано Маркондес беа поставени конечните 2-0.
Екипата од Велс не успеа да упати ниту еден удар во рамките на голот на противникот.