Фудбалерите на Победа го сочуваа прволигашкиот статус, откако во баражот за опстанок, го победија второлигашот Борец од Велес со 2-1.
Победа натпреварот што се одигра во Струмица го реши во првите 30 минути. Ивановиќ го отвори резултатот во осмата минута, а предноста ја зголеми Велкоски во 29.минута.
Борец успеа да намали во 56.минута преку Кудијан, но велешани немаа сили за израмнување и целосен пресврт.
Во финишот на натпреварот, поради влогот, се зголемија тензиите на теренот, поради што двете екипи завршија со фудбалер помалку.