Маурисио Почетино се налути на прашањето дали ќе „експериментира“ со составот пред дуелот со Њукасл во Премиер лигата, објаснувајќи дека тој никогаш не експериментира, туку сè му се смислено.
Тотенхем успеаја да извлечат 2:2 реми во првиот меч од сезоната против Манчестер сити, откако на домаќините им беше поништен голот во 90-тата минута, и сега против Њукасл ја бара првата победа, пред следната недела да игра во дербито на северен Лондон против Арсенал. Кога му беше посочено дека ќе „одмара“ некои од клучните играчи за да бидат свежи за овој меч, Почетино се налути.
„Експеримент? Јас не сум научник, не сум хемичар. Зборувате за експерименти. Тоа можеби некаде далеку од оваа соба. Ние сме тренери и ја вршиме нашата работа, не експериментираме. Тренираме луѓе кои знаат да играат фудбал. Не не споредувајте со доктори или со луѓе од универзитети. Јас сум само фудбалски тренер, далеку од науката, иако ги почитувам тие луѓе“, изјави Почетино.