Top Sport

Почетино се „исклучил“ десетина дена, но не одбива можност да заврши во Арсенал

Маурисио Почетино ја остави можноста да се врати во Премиер лигата како тренер на Арсенал или на Манчестер јунајтед, велејќи дека сега му е потребен мал одмор дома во Аргентина пред да размислува за следниот проект.

47-годишниот Почетино беше отпуштен по пет и пол години со Тотенхем, во изненадувачка одлука на клубот да го сменат со Жозе Мурињо, но признава дека нема долго да седи без работа.

„Има многу клубови и атрактивни проекти кои би можел да ги преземам. Но, во моментов најважно е да ја ’исчистам’ главата по пет и пол сезони со Тотенхем. Целта е да ја вратам мотивацијата, а треба да се вратам во Европа. Тешко е да се очекува проект во Аргентина, но не би отфрлил таква можност поради моето семејство. Немав многу време за размислување, и првата одлука беше да се вратам дома и да ги видам пријателите и семејството. Но, очекувам да се вратам во Европа. Отворен сум да ги слушнам сите проекти пред мене“, вели Почетино во интервју за „Фокс спорт“.

Scroll to Top