Пол Погба нема да се врати на фудбалските терени до декември, потврдил менаџерот Оле Гунар Солскјер по победата на Манчестер Јунајтед во Норич (3:1).
Францускиот репрезентативец го повредил скочниот зглоб на 30 септември. Сезонава тој има одиграно само шест натпревари за „црвените ѓаволи“.
Изминатите неколку недели Погба ги мина на рехабилитација во Дубаи.
Манчестер Јунајтед, в среда ќе играат против Челси во осмина-финалето во Лига купот, а во наредното коло ќе гостуваат кај Борнмут.