Преодниот менаџер на Манчестер јунајтед, Ралф Рангник објасни како точно течел разговорот со Кристијано Роналдо по неговата замена на мечот со Брентфорд, кога Португалецот беше јасно бесен што беше повлечен од игра.
Роналдо излезе во 71. минута од мечот, во моменти кога Јунајтед водеа со 0:2, и 36-годишниот ветеран се објаснуваше со тренерот, пред да седне на скалите очигледно разочаран. Германецот откри што точно му кажал во разговорот.
„Работата на фудбалски менаџер е да се помогне да се стигне до победа, и за мене беше јасно по искуството на ‘Вила парк’, каде што одигравме 2:2 откако водевме со 0:2 дека морам да сменам некого. Кристијано е голгетер и играч кој секогаш сака да игра и да дава голови. Тој ме праша: ‘Зошто јас, не некој од помладите?’. Па, пет минути подоцна дојде одговорот, кога еден од помладите го постигна третиот гол. Можеби Кристијано исто така ќе дадеше гол, но фудбалот не е секогаш ‘можеби’, туку треба да се направи одлука веднаш“, вели Рангник.
Cristiano Ronaldo & Ralf Rangnick. ?pic.twitter.com/eFqCpzPqoE
— CristianoXtra (@CristianoXtra_) January 19, 2022