Напаѓачот на Манчестер Јунајтед, Маркус Рашфорд вели дека се соочил со најмалку 70 расистички навреди на социјалните мрежи по финалето во Лига Европа што „ѓаволите“ синоќа на пенали го загубија од Вилјареал.
„Најмалку 70 расистички навреди досега се избројани на моите профили на социјалните мрежи. За оние кои прават да се чувствувам уште полошо од што ми е – среќно во обидот“ напиша Рашфорд на Твитер по завршувањето на синоќешниот меч.
At least 70 racial slurs on my social accounts counted so far. For those working to make me feel any worse than I already do, good luck trying ??
— Marcus Rashford MBE (@MarcusRashford) May 26, 2021
Британската полиција во јануари годинава покрена истрага за злоставување на социјалните мрежи откако токму Рашфорд и двајца други соиграчи од Јунајтед беа мета на расисти.
„Да, црномурест сум и секој ден од животот сум горд на тоа што сум. Ниеден коментар нема да направи да се чувствувам поинаку. Жал ми е ако баравте силна реакција, едноставно овде нема да ја добиете“ напиша тогаш англискиот фудбалски репрезентативец.