Шкупи и Академија Пандев одиграа 3:3 во Кичево на дуелот кој изобилуваше со шанси и со голови, посебно во првото полувреме. Тимот од Чаир имаше 3-2 до пред крајот, но младиот Трајков во 90.минута погоди за израмнување.
Шкупи поведе со голот на Реналдо Цефас во 12.минута, но потоа следуваше добар период за гостите. Ване Крстески со прекрасен гол израмни на 1:1 во 27.минута, а Агрон Руфати направи пресврт во 36.минута.
Шкупи израмни веќе во следниот напад со голот на Мамаду Данфа, а Валид Хамиди во 45.минута од првиот дел повторно донесе предост за 3:2.
Сепак, резервистот Трајков во финишот искористи една шанса и донесе важен бод за Академија Пандев.
Работнички беше убедлив против ФК Скопје во Велес и славеше со 4:0. Крсте Велкоски постигна хет-трик, а погоди и Гандо Биала.
Останатите натпревари од 21.коло во Првата фудбалска лига се играат утре: Брегалница – Шкендија, Победа – Силекс, Македонија ЃП – Тиквеш.