Таткото на Рикардо Родригез можеби е Шпанец, но тоа не му пречеше на швајцарскиот репрезентативец да обезбеди 1:1 реми на неговата репрезентација на пријателскиот меч во Вилјареал.
Алваро Одриозола донесе водство за „фуријата“ во 29. минута, кога по една мешаница пред шестнаесетникот на Швајцарија, имаше одличен удар од 18-тина метри. Меѓутоа, Рикардо Родригез, чиј татко е Шпанец, а мајка Чилеанка, во 62. минута постигна исто така убав гол за да обезбеди реми за Швајцарија, која ќе биде „тврд орев“ во групата со Костарика, Србија и Бразил.
Во другите пријателски мечеви, Костарика стигна до убедлива 3:0 победа над Северна Ирска, додека со ист резултат, Перу ја совлада Саудиска Арабија. Капитенот на Перу, Паоло Гереро постигна два гола во враќањето во националниот дрес, откако доби дозвола да се врати и покрај позитивниот тест на кокаин.
ПРИЈАТЕЛСКИ МЕЧЕВИ
Костарика – Северна Ирска 3:0
Саудиска Арабија – Перу 0:3
Шпанија – Швајцарија 1:1
