Рој Хоџсон ја има честа да биде најстариот менаџер во историјата на Премиер лигата, но сега се открива дека актуелниот тренер на Кристал палас додека бил тренер на Ливерпул продал погрешен фудбалер.
Хоџсон го купил Пол Кончески бргу по доаѓањето на „Енфилд“, продавајќи ги Лори дала Вејл и Александер Качаниклиќ на Фулам како дел од договорот. Сега, шведскиот интернационалец Качаниклиќ открива дека Хоџсон се обидел да го сопре трансферот во август 2010 година откако сфатил дека продал погрешен Алекс.
„Беше тешко Ливерпул да ме замени, но кога пристигнав во Фулам разговарав со Рој Хоџсон на телефон и тој призна дека избрал погрешен Алекс да го продаде за Кончески. Но, тогаш беше предоцна. Ми кажа дека сум добредојден во Ливерпул“, вели Качаниклиќ.
27-годишниот Качаниклиќ беше сметан за голем талент на шведскиот фудбал и по трансферот од Ливерпул, помина четири сезони во Фулам, и сега игра во шведскиот Хамарби.
Kacaniklic: “In his head, he thought he had sold another Alex for Konchesky. But then it was too late. It’s a little fun!”https://t.co/rOIB8Wlbpm
— Anfield HQ (@AnfieldHQ) March 25, 2019