Борусија Дортмунд се спаси од шокантен домашен пораз од последнопласираниот клуб на табелата во Бундеслигата, Падерборн, откако гостите имаа 0:3 на полувреме, пред Марко Ројс со гол во 91. минута да спаси 3:3 реми за да се зголеми притисокот на тренерот Лусиен Фавр и да се остави тимот на петтото место на табелата со пет поени зад лидерот Борусија Менхенгладбах (со меч помалку).
Првото полувреме на „Сигнал Идуна парк“ беше апсолутно очајно за домаќините. Германскиот напаѓач со конгоанско потекло, Стели Мамба во петтата и во 37. минута стрелаше за молк на домашните навивачи, пред Герит Холтман пред крајот на полувремето да зголеми на неверојатни 0:3.
Во второто полувреме, Борусија успеа да даде брз гол во 47. минута преку Џејдон Санчо, пред Аксел Вицел да намали на 2:3 во 84. минута, пред Ројс во 93. минута на асистенција на Санчо да ги постави конечните 3:3.
Падерборн пропушти да победи само вторпат оваа сезона (претходно ги тепаа и Фортуна Диселдорф), и сега иамат две ремија и дури девет порази.