Борусија Дортмунд дозволија Пако Алкасер да потпише договор со Вилјареал, откако најверојатно во Бундеслигата ќе заврши Емре Џан од Јувентус. 26-годишниот Алкасер се враќа во Шпанија за сума од 23 милиони евра, што е рекорд за клубот.
Поранешниот фудбалер на Барселона имаше одличен престој во Бундеслигата, откако во првата сезона во 2018/19 имаше 18 гола во 26 настапи во германската лига, од кои дури 11 во натпревар кога беше замена. Алкасер потоа во февруари 2019 година потпиша постојан договор со Дортмунд на пет години, но оваа сезона имаше само 9 старта, а по доаѓањето на Ерлинг Халанд немаше место во тимот на Лусиен Фавр.
Со овој трансфер, Вилјареал сака да ги покаже своите високи амбиции – клубот е на осмото место во Ла лига и се пласираше во четврт-финалето на Копа дел реј во средата.
#AlcácerYaEsGroguet | ¡Conoce los números de @paco93alcacer ??, el nuevo fichaje del Submarino! ¡El torrentí lucirá el dorsal 1️⃣7️⃣! pic.twitter.com/PN73o4610i
— Villarreal CF (@VillarrealCF) January 30, 2020