Напаѓачите Мохамед Салах (Египет), Садио Мане (Сенегал) и Пјер-Емерик Обамејанг (Габон) повторно се главните три кандидати за наградата за најдобар африкански фудбалер која ја доделува Африканската фудалска конфедеранција (ЦАФ), повторувајќи го финалето од лани.
Асот на Ливерпул, Салах ја освои наградата лани и повторно е главен фаворит за да стане само четвртиот фудбалер кој две години по ред триумфирал по Ел Хаџи Диуф (Сенегал), Самуел Ето (Камерун) и Јаја Туре (Брег на Слонова Коска).
Од друга страна, Обамејанг влегува во топ 3 петти пат едноподруго израмнувајќи го рекордот на Туре и поранешниот фудбалер на Гана, Мајкл Есиен. Неговата единствена победа беше во 2015, кога ги победи Туре и Андре Ају.