Голманот на фудбалска репрезентација на Мексико, 37. годишниот Гилермо Очоа до крајот на оваа сезона ќе биде играч на Салернитана, објави во петокот италијанскиот прволигаш.
Очоа во Салернитана дојде без оштета од редовите на мексиканскиот прволигаш Клуб Америка.
„Фудбалерот потпиша договор до 30. јуни 2023 година со опција за продолжување и ќе го носи дресот со број 13“, објави Салернитана, која моментално е 12. на табелата во Серија А.
Салернитана се одлучи да го ангажира Очоа, откако се повреди првиот голман Луиџи Сепе.
Серија А ќе продолжи на почетокот на новата календарска година, а Салернитана на 4. јануари ќе му гостува на Милан.
🇲🇽 𝑩𝒊𝒆𝒏𝒗𝒆𝒏𝒊𝒅𝒐 𝑴𝒆𝒎𝒐 🇱🇻#Ochoa #macteanimo #forzagranata #salernitana #uss1919 pic.twitter.com/qHtBAuU0Vh
— US Salernitana 1919 (@OfficialUSS1919) December 23, 2022