Саутемптон го потврди трансферот на аргентинскиот напаѓач Гвидо Карилјо од Монако, зголемувајќи ги опциите во нападот во борбата за опстанок во Премиер лигата.
Саутемптон платиле рекордни 19.1 милиони фунти, со што е помината претходната највисока сума од 16 милиони фунти за Марио Лемина. Тимот од југот на Англија е само 18. во Премиер лигата и имаат само 24 гола во 24 меча. Карилјо потпиша договор до јуни 2021 година, враќајќи се да работи со Маурисио Пелегрино, кој му беше тренер во Естудијантес во Аргентина.
„Среќен сум што направив вака голем трансфер. Го знаев Саутемптон од гледање на ТВ како дете и секогаш сум сметал дека Премиер лигата е најважната лига на светот. Го познавам тренерскиот тим и очекувам многу голови“, изјави 26-годишниот Карилјо.
Add us on @Snapchat to go behind the scenes of @carrilloguido11‘s arrival at #SaintsFC! ?
?: https://t.co/aCHzfzbQ1S pic.twitter.com/ZzTX4XLjXJ
— Southampton FC (@SouthamptonFC) January 25, 2018