Севилја ја забележа и втората победа во новата сезона во Ла лига, триумфирајќи со 1:0 на гости кај андалузискиот ривал и нов прволигаш Гранада, за совршен старт на сезоната на тимот на Хулен Лопетеги, иако тоа падна во сенка на повредата на Серхио Регилон, уште еден кој дојде во Севилја од Реал Мадрид.
Регилон во првиот меч против Еспањол даде еден гол и асистираше на уште еден, но гостувањето во Гранада го заврши уште во 20. минута со на прв поглед потешка повреда и со солзи во очите откако се судри со главите со Виктор Диаз.
?REGUILÓN tiene que ser SUSTITUIDO tras un tremendo CHOQUE con VÍCTOR DÍAZ. Min 17′.
Granada 0-0 Sevilla #LaLiga pic.twitter.com/uujS5ucxBJ
— El Chiringuito TV (@elchiringuitotv) August 23, 2019
Регилон се обиде да го продолжи мечот, но не успеа, паѓајќи на тревата пред да биде изнесен на носилки.
Човек на одлука беше Жоан Жордан, кој го постигна својот прв гол во дресот на Севилја во 52. минута по еден брз котнранапад на гостите.
⚽ Joan Jordán. Granada 0 x 1 Sevilla.
— ?? Sevillismo Brasil ?? (@Sevillismobra) August 23, 2019